Illum se jsir il-funeral ta’ Mikhail Gorbachev, l-aħħar mexxej tal-Unjoni Sovjetika li ġab fi tmiemha l-gwerra bierda.
Huwa se jindifen f’Moska, erba’ t’ijiem wara li miet fl-età ta’ 91 sena.
REKLAM
SKROLLJA BIEX TKOMPLI
Il-President Russu Vladimir Putin mhux se jattendi għall-funeral bil-Kremlin jgħid li hu mħabbat bix-xogħol. Madanakollu, ossevaturi politiċi qed jgħidu li dan hu bojkott ta’ Putin kontra l-persuna li ġab il-qasma tal-Unjoni Sovjetika.
Gorbachev hu rispettat minn kulħadd, bis-Segretarju Ġenerali tal-Ġnus Maqgħuda António Guterres jgħid li hu biddel l-kors tal-istorja mondjali u l-President Amerikan Joe Biden jiddeskrivih bħala mexxej rari.
