Illum huwa l-jum dinji għall-anzjani.
L-għan ta’ din il-ġurnata huwa li titqajjem aktar kuxjenza fuq l-isfid li jaffaċċjaw l-anzjani fost oħrajn abbuż u solitudni.
Dan il-jum intgħażel waqt Assemblea Ġenerali tal-Ġnus Magħquda f’Ottubru tal-1990.
Intant fi stqarrija l-Għaqda Pensjonanti fi ħdan il-General Workers’ Union sellmet lill-anzjani kollha f’dan il-jum dedikat lilhom.
L-Għaqda Pensjonanti fi ħdan il-GWU qalet li l-anzjani għandhom jingħataw id-dinjità u r-rispett kollu bħala rikonoxximent għall-ħidma tagħhom matul iż-żminijiet.
