Illum l-Isqof Emeritu ta’ Għawdex, Monsinjur Mario Grech se jkun kreat Kardinal.
Monsinjur Grech ta’ 62 sena, flimkien mat-12-il porporati oħra se jsiru Kardinali waqt il-Konċistorju, illum waranofsinhar.
Permezz ta’ din il-kariga, Mons. Grech se jkun it-tielet Kardinal Malti u se jkollu vot sabiex jivvota fil-konklavi.
Fit-3 ta’ waranofsinhar, l-istazzjon ONE se jkun qed ixandar proġramm speċjali, b’rabta ma’ din l-okkażjoni speċjali. Waqt dan il-programm, wieħed jista’ jsegwi diversi intervisti ma’ diversi persuni qrib Mons. Grech.
Imbagħad b’mod dirett se jixxandar il-Konċistorju mill-Vatikan, li fih Monsinjur Grech se jkun kreat Kardinal.
