Illum Malta tfakkar is-60 anniversarju mindu saret indipendenti mill-ħakma Ingliża wara aktar minn mija u sittin sena.
Dakinhar iċ-ċerimonja uffiċjali kienet saret fil-Furjana, bis-sehem tal-Prim Ministru ta’ dak iż-żmien, George Borg Olivier, u d-Duka ta’ Edinburgh, il-Prinċep Filippu.
Illum, għal din l-okkażjoni storika, Festivals Malta u l-Kumitat Festi Nazzjonali qed jiġu organizzati numru ta’ attivitajiet biex titfakkar din il-festa nazzjonali.
Fid-disgħa ta’ dalgħodu, telaq marċ militari mill-Banda tal-Forzi Armati ta’ Malta minn quddiem il-bini tal-Parlament ta’ Malta sa Misraħ San Ġwann. Mal-wasla tal-President Myriam Spiteri Debono,ngħatat salut nazzjonali u saret spezzjoni tal-Gwardja tal-Unur.
Wara, fid-disgħa u nofs ta’ dalgħodu, bdiet il-quddiesa pontifikali mmexxija mill-Arċisqof Charles Scicluna.
Wara se jsir it-tqegħid tal-fjuri fuq il-monument tal-Indipendenza fil-Furjana mill-ogħla awtoritajiet tal-pajjiż, fosthom il-President Spiteri Debono u l-Prim Ministru Robert Abela, waqt li jiġi sparat salut ta’ 21 tir mill-Forzi Armati ta’ Malta.