It-temperaturi fuq il-gżejjer Maltin mistennija jiksħu ġmielhom hekk kif arja kiesħa minn fuq it-Tramuntana tal-Ewropa qed testendi lejn iċ-ċentru tal-Mediterran.
Irrapporta dan is-sit tat-tbassir tat-temp FirstMalta fejn spjega kif illum il-Ħamis it-temperaturi se jilħqu l-ogħla ta’ 12 gradi Celsius, jinħassu 9 gradi Celsius u jinżlu sa 5 gradi Celsius mal-lejl, filwaqt li r-riħ mil-Majjistral it-Tramuntana se jilħaq qawwa ta’ Forza 6.
Iżda għada l-Ġimgħa t-temperaturi se jinħassu saħansitra iksaħ, dan hekk kif l-ogħla temperatura mistennija tilħaq 9 gradi Celsius, tinħass 6 gradi Celsius u l-inqas tinżel sa 5 gradi Celsius.
