Illum qed tiġi ċċelebrata l-festa ta’ Santa Rita ta’ Cascia fil-knisja Agostinjana fil-Belt Valletta.
Din il-qaddisa hija magħrufa bħala l-qaddisa tal-impossibbli. Hija wkoll protettriċi tan-nisa abbużati u anke tar-romol. Santa Rita mietet fit-22 ta’ Mejju tal-1457.
Santa Rita sofriet abbuż waqt il-ħajja miżżewġa u baqgħet dejjem siekta waqt li baqgħet dejjem titlob. Dan l-istess żwieġ dam 18-il sena. Żewġha kien maqtul u kienet kapaċi tipperswadi lill-uliedha biex ma jpattux lura.
Aktar tard daħlet mal-komunità Agostinjana tas-sorijiet fejn kienet timmedita u bdiet tiġi mfittxija għal talb profond u bosta kienu jattribwixxu mirakli bl-interċessjoni tagħha.
