Illejla, eżattament fid-21:15, it-tim ONE FC se jkun qed jiddebutta fil-kampjonat Goalline. Kampjonat li daħal fit-tieni staġun tiegħu u li jintlagħab fil-grawnds tal-Pieta.
ONE FC nibet propju mill-istazzjon One Productions Limited, u dan il-kampjonat se jkun it-tieni esperjenza għalih, wara li sentejn ilu kien ħa sehem fix-Xitwa League, fejn ġie minn ta’ quddiem fil-kampjonat u rebaħ in-Knockout.
Wara diversi xhur ta’ ħidma u preparazzjoni, kemm min-naħa amministrattiva u kemm min-naħa fiżika, kollox jinsab lest biex illejla ONE FC jilgħab l-ewwel logħba tiegħu kontra Boophis United. B’kollox fil-kampjonat hemm għaxar timijiet.
Inti tista ssegwi dak kollu li jkun għaddej minnu t-tim billi tidħol fuq il-Paġna ta’ Facebook u tagħfas Like:
https://www.facebook.com/onegroupfc/
