Kollox jinsab lest sabiex l-MFCC f’Ta Qali jilqa’ l-għaxar edizzjoni ta’ Rockestra.
Kunċert mużikali b’risq il-Malta Community Chest Fund u li l-programm tiegħu jinkludi mużika Rock akkumpanjata b’mużika orkestrali mill-Orchestra Filarmonica ta’ Malta.
F’intervista ma’ One News id-direttur artistiku ta’ Rockestra Pawlu Borġ Bonaċi spjega kif din l-għaxar edizzjoni mistenniha tkun waħda mill-isbaħ bi spettaklu ta’ dawl u anke diversi sorpriżi għall-pubbliku.
Mro Sigmund Mifsud, id-direttur mużikali għal Rockestra tenna li minkejja l-artisti u mużiċisti ta’ talent li jieħdu sehem huwa l-pubbliku li dejjem jsawwar l-atmosfera unika li joffri ta’ kull sena dan il-kunċert.
Intant ilbieraħ il-Ministru għall-Kultura Owen Bonniċi żar l-preparamenti għal Rockestra u faħħar l-impenn b’ġest verament nobbli warajh.
