Illejla se jkun hemm l-ewwel spettaklu tal-Festival Internazzjonali tal-Logħob tan-Nar ġewwa l-Port il-Kbir.
L-aħħar preparamenti għal din l-attività tant mistennija għaddejjin ġmielhom u kollox mistenni jibda għall-ħabta tat-20:30.
Fuq il-midja soċjali, l-Awtorità Maltija għat-Turiżmu qalet li l-aħjar postijiet sabiex wieħed isegwi dan l-ispettaklu huma f’Xatt il-Barriera, il-Barrakka ta’ Fuq u l-Barrakka ta’ Isfel.
Intqal li llejla se jkun hemm għadd ta’ devjazzjonijiet tat-traffiku, speċjalment għal dawk li se jgħaddu minn Triq il-Mediterran u minn Triq it-Telgħa tal-Kurċifiss. Dan filwaqt li Xatt il-Barriera u Xatt Lascaris se jkunu magħluqin għat-traffiku.
L-Awtorità Maltija għat-Turiżmu qalet ukoll kif illejla s-servizz tal-Fast Ferry mhux se jopera.
