Transport Malta ser tagħmel xogħol t’asfaltar fi Triq il-Marsa fil-Marsa, fiż-żewġ direzzjonijiet.
Ix-xogħlijiet ser jibdew illejla fis-6.00 ta’ filgħaxija sal-5.00 ta’ filgħodu u jkomplu għaddejjin fl-iljieli ta’ wara. Waqt ix-xogħol, din it-triq ser tkun kompletament magħluqa għat-traffiku filwaqt li t-trasport pubbliku ser jitħalla jgħaddi sad-09.00 ta’ filgħaxija. Matul il-jum it-triq ser tkun aċċessibbli għat-traffiku f’kull direzzjoni.
Transport Malta ħeġġet lis-sewwieqa biex jużaw toroq alternattivi u jsegwu l-istruzzjonijiet mill-uffiċjali fuq il-post.
