Fuq il-paġna Maltija fuq is-sit soċjali Facebook bl-isem ta’ Il Volo Malta, ħabbru li l-grupp mużikali ta’ tliet żgħażagħ b’leħen grandjuż, Il Volo, se jkunu qed jerġgħu jirritornaw lura f’Malta fit-8 ta’ Ġunju tal-2017.
Dan hekk kif ġew imħabbra żewġ dati oħra bħala parti mit-tour li bħalissa qed jagħmlu, Notte Magica – Tributo Al Tre Tenori, b’waħda mid-dati tal-kunċerti tkun dik ta’ Malta.
