Imkejjen viċin l-investigazzjoni b’rabta mal-qtil ta’ dalgħodu fil-Marsa kkonfermaw li l-karozza li kienet qed tinstaq mill-vittma hija misruqa u l-pjanċi li għandha mwaħħla magħha huma wkoll misruqa minn karozza oħra. Il-Pulizija kkonfermat li ż-żagħżugħ ġie identifikat bħala Sylvester Farrugia li għandu 25 sena u hu residenti ż-Żurrieq.
Sorsi fi ħdan il-Pulizija qrib OneNews sostnew li filwaqt li ż-żagħżugħ kellu kondotta nadifa, il-Pulizija kellha tagħrif li x’aktarx kien imdaħħal f’ċirku tad-droga.
Il-Pulizija għaddejja bl-investigazzjoni tagħha dwar dak li sabu fil-Marsa dalgħodu; raġel bla ħajja b’tiri ta’ arma tan-nar f’dahru.
