Fil-Qorti kompliet il-kumpilazzjoni fil-konfront ta’ Mohamed Bashir Ibrahim Aljalli, xufier ta’ taxi Libjan, li qed jiġi mixli li aggredixxa passiġġier Braziljan fil-Belt Valletta, f’Ottubru li għadda.
Fil-Qorti xehed Jason Zammit, li huwa konsulent ortopetidiku u li opera lill-vittma.
REKLAM
SKROLLJA BIEX TKOMPLI
Fuq il-pedana tax-xhieda huwa xehed li l-vittma kellu ferita ta’ madwar għaxar ċentimenti fl-ispalla tiegħu fuq in-naħa tal-lemin.
Intqal li l-ferita kienet gravi u hi waħda permamenti.
L-imputat inżamm arrestat fil-Faċilità Korrettiva ta’ Kordin u l-każ ikompli f’Mejju.
Għall-imputat dehret l-Avukata Julia Micallef Stafrace u għall-vittma qed tidher l-Avukata Francesca Zarb.
