Il-Vapuri tal-Gozo Channel se jibqgħu jaħdmu iżda se jitrakkaw ħdejn il-lukanda

Kelliem għall-Gozo Channel ikkonferma li għalissa l-vapuri se jibqgħu jaħdmu, iżda se jkunu qed jitrakkaw ħdejn il-lukanda, fis-South Quay taċ-Ċirkewwa.

Ix-xufiera qed jiġu avżati sabiex ma jħallux karozzi pparkjati ħdejn il-mollijiet minħabba riħ qawwi u l-qawwa tal-baħar.

Bħalissa pajjiżna qed jintlaqat minn maltempata bl-isem ta’ Helios, fe riħ qawwi ħafna ta’ forza 7 mil-Lvant huwa mbassar li ser jaffettwa lill-Gżejjer Maltin, b’buffuri li mistennijin jilħqu l-45 mil nawtiku fis-siegħa.