Il-Unjin Ħaddiema Magħqudin, il-UHM issospendiet l-azzjonijiet industrijali fil-qasam tas-saħħa. Qal dan id-Deputat Prim Ministru u Ministru għas-Saħħa Chris Fearne fejn semma kif il-pazjenti huma r-rebbieħa wara diskussjonijiet twal li saru matul il-jum tal-Ħamis.
Din il-ġimgħa l-UHM kienet ħarrxet l-azzjonijiet industrijali fl-isptarijiet u waqqfet diversi servizzi fosthom operazzjonijiet, pproċessar ta’ testijiet tad-demm u servizzi fil-komunità għall-anzjani u persuni b’diżabilità. Il-kwistjoni kienet dwar ftehim settorjali. Għad-direttivi tal-UHM kienet uriet tħassib, il-Kummissjoni għad-Drittijiet tal-Persuni b’Diżabilità.
