Il-Qorti rrilaxxat il-fdalijiet ta’ Charlene Farrugia għad-difna fl-aħħar ta’ seduta mill-kumpilazzjoni tal-evidenza fil-każ kontra John Paul Woods li qed ikun akkużat bil-qtil tagħha.
Kien Woods innifsu li wassal lil pulizija għas-sejba tal-fdalijiet ta’ Charlene Farrugia wara li għebet f’Novembru tal-2008. Dan wara li kien arrestat b’rabta ma’ hold up fil-Gżira. Wara li xehdu l-esperti forensiċi il-Maġistrat Marse-Anne Farrugia kkonkludiet li ma kienx għad fadal raġuni għalxiex jinżammu l-fdalijiet tal-vittma.
