Kull deni ħudu b’ġid jgħid il-Malti. Hekk juri dan ir-ritratt uniku li ġibed il-fotografu Domenic Aquilina waqt il-logħoba futbol tal-bieraħ ta’ Malta kontra l-Islanda.
Il-fotografu ifaħħar il-ġest nobbli li ra b’għajnejh fil-grawnd tal-futbol.
Irrakkonta kif meta kienet nieżla xita qliel waqt il-kant tal-Innu Malti, il-plejer Steve Borg ra tifel ċkejken jakkumpanja lit-tim Islandiż. Borg qasam il-grawnd għal ħdejn dan it-tifel, u tah il-ġakketta tiegħu biex jistkenn taħtha.
Domenic ma naqasx milli semma l-ġest nobbli li għamel il-kaptan tat-tim Andre Schembri meta ftit aktar kmieni kien għadu kif għamel l-istess mat-tifel li kien qed jakkumpanja lit-tim Malti.
Hu temm il-messaġġ fuq is-sit soċjali ta’ Facebook billi qal li ma kellu l-ebda dubju dwar kemm huma rġiel fuq l-irġiel dawn iż-żewġ plejers.
Ritratt: Domenic Aquilina
