Għal darb’oħra l-Pulizija qiegħda tappella lill-pubbliku għal aktar attenzjoni dwar scams li qegħdin jiżdiedu minn ġurnata għall-oħra.
Fi stqarrija l-Pulizija qalet kif fl-aħħar jiem komplew jidħlu rapporti ta’ telefonati qarrieqa minn persuni anonimi, li issa qed jgħidu li huma pulizija.
Din it-telefonata, li hi messaġġ irrekordjat bl-Ingliż u qiegħda ssir minn numri lokali, tgħid li hija mill-Korp tal-Pulizija ta’ Malta u tinforma lill-persuna li tirċievi t-telefonata li hemm attività suspettuża fuq il-kont tal-eID tagħhom, jew li hemm mandat t’arrest f’isimhom.
Il-messaġġ imbgħad jidderieġi lil min jirċievi t-telefonata biex jagħfas in-numru “1” u jsegwi listruzzjonijiet addizzjonali u f’dal-mument tittieħed l-informazzjoni personali.
Fl-aħħar ġimgħa, is-Cyber Crime Unit assista f’aktar minn 150 rapport li għamlu persuni li nfurmaw lill-Pulizija dwar dawn it-telefonati qarrieqa. Waqt li l-maġġoranza tal-persuni li tkellmu mal-Pulizija ma waqgħux għall-iscam, sfortunatament kien hemm persuni li taw iddettalji tagħhom u ġew iffrodati.
Il-Pulizija qiegħada terġa’ tfakkar lill-pubbliku fil-parir li tat dwar messaġġi qarrieqa b’sms jew email.
Intant, il-Pulizija qalet li qiegħda taħdem id f’id mal-opearturi tattelefonija sabiex jiġu identifikati dawn it-telefonati/messaġġi qarrieqa.
