one.com.mt huwa nfurmat li l-pulizija mis-sezzjoni tar-Rapid Intervention Unit flimkien mal-pulizija tad-Distrett waqqfu iċ-ċelebrazzjonijiet li saru wara li tħabbar li Floriana FC ġew iddikajarati ċampjins tal-kampjonat Premier aktar kmieni llum.
Dawn iċ-ċelebrazzjonijiet twaqqfu għal raġunijiet marbuta mal-firxa tal-Coronavirus hekk kif stabbilit mill-awtoritajiet tas-saħħa, wieħed għandu jsegwi regoli ta’ distanza soċjali u mhux suppost ikun f’ġemgħat ta’ aktar minn 6 persuni.
Floriana ġew dikjarati ċampjins tal-kampjonat Premier wara li l-Kunsill tal-Assoċjazzjoni Maltija tal-Futbol, l-MFA ddeċieda li t-tim tal-futbol Furjaniż huwa r-rebbieħ tal-kampjonat li waqaf ħesrem f’Marzu minħabba l-imxija tal-Coronavirus.
ARA WKOLL:
https://www.one.com.mt/2020/05/25/bil-filmat-floriana-jsiru-campjins-tal-kampjonat-premier-1/
