It-Tlieta, għall-ħabta tan-nofs siegħa ta’ filgħodu l-Pulizija daħlilha rapport ta traffikar ta’ droga ġo stabbiliment f’San Pawl il-Baħar. Il-Pulizija mid-distrett tal-Qawra marru mmedjatament fuq il-post fi Triq it-Tamar f’San Pawl il-Baħar fejn wara tfittxija sabu ammont ta’ droga u affarijiet relalati mat-traffikar tad-droga.
Sorsi qalu lil one.com.mt li kawża t’hekk ġew arrestati tliet persuni. Fuq il-post issejħu l-Pulizija mit-Taqsima tal-Klieb sabiex ikunu jistgħu jassistu fit-tfitxija għad-droga.
L-investigazzjonijiet tal-Pulizija dwar il-każ għadhom għadejjin.
