Il-Pulizija Franċiża bdiet il-proċess biex jitneħħew mal-1,800 immigrant mill-kampijiet li ttellgħu fil-bajja ta’ Dunkirk, Franza.
Dan bħala operazzjoni biex l-immigranti jkunu mwaqqfa milli jaqsmu lejn ir-Renju Unit b’mod illegali.
Intant, l-operazzjoni se sservi wkoll bħala mezz biex il-Pulizija toffri l-għajnuna meħtieġa lill-familji vulnerabbli u tikkontrolla t-traffikar tal-umani.
L-immigranti mistennija jingħataw refuġju f’binjiet apposta viċin il-bajja ta’ Dunkirk.
