F’operazzjoni oħra fil-Port Ħieles, il-Pulizija l-Erbgħa filgħaxija, għamlet sejba oħra ta’ madwar 100 kilogramma droga suspettata kokaina, b’valur fit-triq ta’ madwar 14-il miljun ewro.
Id-droga instabet f’madwar 50 pakkett li kienu moħbija qalb rombli tal-cables f’kontejner li wasal Malta mill-Ekwador.
REKLAM
SKROLLJA BIEX TKOMPLI
Din is-sejba ta’ droga saret waqt sorveljanza kontinwa li l-Pulizija qiegħda tagħmel, bħala parti mill-ħidma kontra l-importazzjoni tad-droga u assistita mid-Dipartiment tad-Dwana.
Filwaqt li d-droga ġiet ikkonfiskata u l-Pulizija għaddejja bl-investigazzjonijiet, infetħet inkjesta mill-Maġistrat Dr Philip Galea Farrugia.
