Il-Pulizija bi twissija oħra dwar messaġġi qarrieqa li jidhru li ġejjin mill-Maltapost

Il-Korp tal-Pulizija qed jerġa’ jwissi dwar messaġġi qarrieqa li bosta qed jirċievu fuq il-mobile tagħhom, li jidher li qed jintbagħtu f’isem l-kumpanija Maltapost.

Fi stqarrija l-Pulizija spjegat li fil-messaġġ, dak li jkun qed jintalab jidħol f’sit elettroniku falz biex idaħħal id-dettalji tal-karta tal-kreditu. Dawn, fi kliem il-Pulizija għandhom jiġu injorati u jitħassru minn fuq il-mobile.