Il-Pulizija arrestat bouncer Malti b’rabta mal-każ ta’ feriment f’Paceville

Il-Pulizija arrestat bouncer ieħor, Malti ta’ 26 sena mill-Gżira, b’rabta mal-każ ta’ feriment ta’ raġel f’Paceville f’lejliet l-ewwel tas-sena.

Huwa se jkun qed jitressaq il-Qorti illum wara nofshinar b’akkużi relatati ma’ ksur ta’ buon ordi, użu ta’ arma mhux reġistrata u li kkawża ġrieħi gravi lill-persuna oħra.

Ilbieraħ Riald Gragjevi, Albaniż mixli bl-involviment tiegħu fl-allegat każ ta’ swat brutali minn grupp ta’ bouncers f’Paceville, baqa’ jinżamm arrestat.