Il-preparamenti għall-Karnival jinsabu fil-qofol tagħhom dan hekk kif il-Ħamis jinfetaħ is-separju għall-festa ta’ kuluri u eżebizzjonijiet li se jkunu qed ipaxxu t-toroq lokali bil-karrijiet, kostumi u żfin rinomat ma’ dawn iż-żminijiet. Għal dawk li qed jistennew b’ħerqa biex jilbsu l-kostum u jerħulha lejn il-Belt Valletta dan huwa l-programm tal-avvenimenti għal din is-sena:
23 ta’ Frar 17.30
Ċerimonja li se tkun qed tiftaħ is-separju tal-Karnival 2017 fi Pjazza Teatru Rjal, Valletta.
24 ta’ Frar 17.30
Kompetizzjonijiet taż-żfin fi Pjazza San Ġorġ u d-defilè. Fid-defilè wieħed se jkun jista’ jara l-karru tar-Re tal-Karnival, karrijiet satiriċi.
25 ta’ Frar
9.30: Karnival għat-tfal fi pjazza San Ġorġ, Valletta
15.00: Kompetizzjoni taż-żfin fi pjazza San Ġorġ flimkien ma’ spettaklu marbut mal-Grand Defilé
19.00: Fi pjazza San Ġorġ se tkun qed issir il-Qarċilla flimkien ma’ prestazzjoni teatrali ‘B’Tal-Linja jaqbillek żgur’
26 ta’ Frar
9.30: Il-banda tal-karnival se tkun qed idoqq f’High Street, Ħamrun
13.00: Il-parata tal-karrijiet tal-Karnival titlaq minn Kastilja biex imbagħad timxi lejn Triq Merkanti, Pjazza San Ġorġ u Triq ir-Repubblika
20.30: Spettaklu kbir tal-Karnival fi pjazza San Ġorġ il-Belt, Biljetti €12
27 ta’ Frar
10.00: Parata taż-żfin u spettaklu fi Pjazza San Ġorġ
16:00: Kompetizzjoni taż-żfin u Grand Defile fi Pjazza San Ġorġ
28 ta’ Frar
10.00: Skejjel taż-żfin se jagħmlu parata tal-karnival biex imbagħad jeżebixxu t-talent tagħhom fi Pjazza Teatru Rjal, Valletta.
18.00: Il-Grand Defile fi Triq Sant Anna bil-parteċipazzjoni tal-karrijiet tal-Karnival
Il-Karnival se jkun qed jiġi ċċelebrat ukoll fil-lokalitajiet ta’ Ħaż Żabbar, Ħal Għaxaq, Ħal Qormi, San Ġiljan, Ħad Dingli u n-Naxxar.
Dan se jkun Karnival b’differenza, għaliex id-dilettanti jinsabu ħerqana aktar minn qatt qabel. Dan għaliex fl-aħħar ta’ Novembru li għadda, l-Awtorità tal-Ippjanar approvat il-pjan għall-villaġġ tal-Karnival. Proġett ta’ ħames miljun ewro li se jsir il-Marsa, minflok dak li nsibuħ bħala l-garaxx tal-Gvern qrib Albertown.
Se jkun hemm 25 maħżen b’għoli ta’ tliet sulari, fejn jistgħu jinbnew il-karrijiet. Il-kumpless se jinkludi workshops anke għal min jaħdem fuq kostumi, għal min ikun irid jipprattika ż-żfin relatat mal-karnival.
