Il-Prim Ministru Joseph Muscat dalgħodu żar il-monument ta’ Lord Gerald Strickland, li twieled bħal-lum 156 sena ilu.
Il-Prim Ministru poġġa bukkett fjuri fuq il-monument ta’ Strickland fil-Barrakka ta’ Fuq.
Strickland serva bħala Prim Ministru ta’ Malta bejn l-1927 u l-1930 meta spiċċa f’kunflitt mas-Senat u mal-Knisja li b’konsegwenza ta’ hekk ġiet sospiża l-Kostituzzjoni.
Bejn l-1932 u l-1933 serva bħala Mexxej tal-Oppożizzjoni u wara kostituzzjoni ġdida fl-1939 huwa ġie elett Mexxej fil-Kunsill tal-Gvern.
