Dalgħodu, fil-Berġa ta’ Kastilja, il-Prim Ministru Robert Abela kellu laqgħat mal-President-elett tal-Kunsill Ewropew Antonio Costa.
REKLAM
SKROLLJA BIEX TKOMPLI
It-tema prinċipali f’din il-laqgħa hi l-aġenda strateġika tal-Unjoni Ewropea fil-ħames snin li ġejjin, meta tibda l-leġiżlatura l-ġdida Ewropea, mill-1 ta’ Diċembru li ġej.
L-eks Prim Ministru Portugiż ġie magħżul minn fost il-mexxejja Ewropej f’Summit tal-Kunsill Ewropew, fl-aħħar ta’ Ġunju li għadda.
Hawnhekk Costa ġie magħżul biex ikun is-suċċessur ta’ Charles Michel, li bħalissa għadu jokkupa l-kariga ta’ President tal-Kunsill Ewropew.
Antonio Costa mistenni jmexxi l-ewwel Summit tal-Kunsill Ewropew, fi Brussell, bejn id-19 u l-20 ta’ Diċembru li ġej.
