Il-Prim Ministru Robert Abela laqa’ fil-Berġa ta’ Kastilja lil Jomike u Lydon – il-missier u l-iben rebbieħa tal-ewwel edizzjoni ta’ Malta’s Got Talent.
Jomike u Lydon irnexxielhom jisirqu l-qlub ta’ bosta Maltin u Għawdxin billi bit-talent tagħhom komplew jagħtu l-ħajja lill-għana tradizzjonali Maltija b’kollaborazzjoni tassew ħajja u dinamika bejniethom. Iċ-ċkejken Lydon ma naqasx milli jagħti sorpriża ħelwa lill-Prim Ministru, hekk kif irnexxielu jqabbel żewġ linji spontanji f’din il-laqgħa fl-Uffiċċju tal-Prim Ministru.
Dr Abela awgura suċċess mill-isbaħ lil Jomike u lil Lydon talli ispiraw lill-poplu Malti japprezza aktar il-kultura u l-ilsien Malti, filwaqt li awguralhom għal aktar suċċessi fil-karriera tagħhom.
