Il-Prim Ministru Joseph Muscat ltaqa’ mat-tim tal-Hibernians FC wara li dawn ġew inkurunati champions tal-Kampjonat Premier. F’din il-laqgħa informali, Joseph Muscat ingħata ukoll flok tal-Hibernians b’kunjomu miktub fuq wara tal-flok. Din hija t-tnax-il darba li dan it-tim Malti ġie dikjarat champion. Il-Prim Ministru awgura lit-tim tal-Hibernians mhux biss għal dan is-suċċess iżda anke għax qed ikompli jwettaq aktar investiment infrastrutturali hekk kif se jagħmlu grawnd ieħor viċin dak eżistenti.
