Bħalissa f’Kastilja għaddejja laqgħa bejn il-Prim Ministru Joseph Muscat u Michel Barnier li huwa n-negozjatur ewlieni tal-Unjoni Ewropea għal Brexit.
Għalkemm ninsabu f’kampanja elettorali u allura l-pajjiż se jkollu Gvern ġdid fi ftit tal-jiem oħra, Joseph Muscat qal li qed iħares ‘il quddiem għal aktar kollaborazzjoni li twassal għal riżultati pożittivi li jagħmlu d-differenza f’ħajjet in-nies.
Michel Barnier esprima l-istess sentiment, filwaqt li awgura lill-Prim Ministru Malta għall-elezzjoni tat-3 ta’ Ġunju.
