Il-President ta’ Malta George Vella llum qed jiċċelebra t-78 sena minn twelidu.
Kien sena ilu li Vella nħatar bħala l-għaxar President ta’ Malta.
Il-President Vella twieled fl-24 ta’ April 1942. Ħa l-ewwel edukazzjoni tiegħu fl-iskola Primarja taż-Żejtun, u wara rċieva l-edukazzjoni sekondarja tiegħu mill-Kulleġġ De La Salle fil-Birgu.
Mill-1957 sal-1964, huwa studja l-Mediċina fl-Università Rjali ta’ Malta, u ggradwa bħala Doctor in Medicine and Surgery fl-1964.
