Il-Partit Nazzjonalista mmexxi minn Bernard Grech ma rrealizzax u lanqas jaf li b’dak li qed jgħid dwar il-kontijiet tal-enerġija qed jipperikola l-ħobża ta’ kuljum tal-familji Maltin u Għawdxin.
Fuq il-programm XTRA ta’ Saviour Balzan, il-Ministru għall-Enerġija Miriam Dalli staqsiet b’mod ċar lid-Deputat Nazzjonalista Ryan Callus jekk dak li jridu fil-kontijiet tal-enerġija hux se jolqot anki lin-negozji, b’Callus viżibilment mitluf deher ma jafx x’se jaqbad jgħid.
Il-Ministru Miriam Dalli staqsiet: “Ħa tindirizzaw lin-negozji wkoll? Iva jew le?”
Id-deputat Nazzjonalista Ryan Callus qal, “Iva mela.”
Dr Dall sostnieti: “Ħa tindirizzaw lin-negozji. Hawnhekk fejn iġġibni għal punt ta’ kemm tiġru u kemm intom populisti. Għadkom lanqas biss irrealizzajtu u jien għalhekk ma niġrix għaliex fil-politika mhux kemm tiġri Salv, fil-politika jekk se tagħmel xi ħaġa tara li tkun ġustizzja għal kulħadd. Għadkom ma rrealizzajtux sal-ġurnata tal-lum, bil-Kap tiegħek b’kollox li mar iżur illum butcher, persuna self-employed li jbigħ il-laħam li qed jgħidu ħa jikkoreġilu l-kontijiet. Għadkom ma rrealizzajtux li hemm negozji li se jkunu qed jaqilgħu daqqa. Int u Bernard Grech għadkom ma rrealizzajtux li qegħdin tipperikolaw l-impjiegi tan-nies.
Fuq ix-xandir nazzjonali, il-Ministru Dalli spjegat kif il-Partit Nazzjonalista ħa jipperikola l-impjiegi tan-nies għaliex fil-verità l-kontijiet tal-enerġija tan-negozji se jisplodu ’l fuq b’dak li jrid Bernard Grech.
Il-Ministru Dalli fissret: “Il-bands kif jitħallsu illi jibdew telgħin u mbagħad meta jilħqu ċertu peak jerġgħu jibdew neżlin. Bil-proposta mhux maħsuba ta’ Bernard Grech u l-Partit Nazzjonalista, qegħdin jipperikolaw l-impjiegi tan-nies, dawk l-impjiegi li f’dawn l-aħħar xhur tgħidx kemm ħdimna biex inkunu qed nipproteġu.”
Il-Ministru Miriam Dalli spjegat kif bi Gvern Laburista, il-familji u n-negozji qed iħallsu kontijiet orħos għal kull unit minn dak li kienu jħallsu fi żmien Gvern Nazzjonalista.
Hija saħqet: “Illum qegħdin jirċievu kontijiet 25% orħos minn dak li kien itihom il-Partit Nazzjonalista. Jiġifieri fi żmien Partit Nazzjonalista fil-Gvern l-orħos band tan-nies kienet 16-il ċenteżmu. Illum l-orħos band tan-nies hija 10ċ5 u mbagħad jerġgħu jitilgħu f’band oħra ta’ 13ċ u mbagħad imissu 16ċ.”
Filwaqt li l-Ministru għall-Enerġija sostniet li dak li hemm jeħtieġ jiġi indirizzat, isir, dan jitwettaq b’ġustizzja ma’ kullħadd u mhux bil-politika mhux studjata tal-Oppożizzjoni.
Hija tnniet: “Jekk hemm problemi li nħolqu nindirizzahom kif wara kollox indirizzajt f’qasir żmien il-kwistjoni tal-feed in tariff li ħoloq Gvern Nazzjonalista però jiena llum inkwetanti għax illum Ryan Callus f’isem il-Partit Nazzjonalista qed juri kemm il-Kap Bernard Grech u l-Partit Nazzjonalista toħorġu tiġru bil-policies li mhumiex studjati. Dak li qed jipproponi l-Partit Nazzjonalista qed jipperikola l-impjiegi tan-nies.”
