Is-Segretarju Ġenerali tal-Partit Nazzjonalista Michael Piccinino qabad imeri s-sewwa magħruf meta staqsejna lill-kollega tiegħu x’taħseb dwar il-fatt li, bil-proposta tat-taxxa tal-Partit Nazzjonalista, iridu jgħaddu għaxar snin biex persuna tieħu roħs fit-taxxa tagħha daqs dak li għadu kemm iddaħħal mill-Gvern.
Fil-fatt, jirriżulta li, bil-proposta tal-Partit Nazzjonalista, it-threshold ta’ ffrankar tat-taxxa jammonta għal mitejn u tnejn u sebgħin ewro u ftit ċenteżmi.
Dan filwaqt li, bl-akbar tax-cut fl-istorja li daħħal il-Gvern immexxi mill-Prim Ministru Robert Abela, kif imwiegħed mill-bidu ta’ din is-sena, it-twessigħ tat-tax brackets ifisser għaxar darbiet iżjed.
Dan hekk kif, bl-aġġustament li saru mill-Gvern, ifisser li r-rata ta’ ġenitur li hemm elfejn u ħames mitt ewro iżjed ħielsa mit-taxxa, waqt li fuq ir-rata singola din titla’ sa elfejn u disa’ mitt ewro.
B’hekk, biex wieħed igawdi dak li qed igawdi bħalissa bit-tnaqqis fit-taxxa, iridu jgħaddu madwar għaxar snin taħt Bernard Grech.
Waqt konferenza tal-aħbarijiet, ONE News ipprova jistaqsi lid-Deputata Nazzjonalista Janice Chetcuti dwar dan il-fatt, iżda qabel biss setgħet tirrispondi, qabeż malajr is-Segretarju Ġenerali care-taker u qal li din hi fake news.
“Li għadek kif tgħid hu fake news. Mhu veru xejn, assolutament xejn.”
Michael Piccinino, Segretarju Ġenerali
Il-Partit Nazzjonalista vvota kontra l-Baġit li, fost l-oħrajn, ta l-akbar tnaqqis fit-taxxa għall-ħaddiema.
Familja ta’ żewġ ġenituri u żewġt itfal bi tnaqqis fit-taxxa u ż-żieda fiċ-Children’s Allowance, din is-sena se jgawdu b’elf u tmin mitt ewro aktar f’butha.
