Wara l-Prim Ministru Svediż Stefan Lofven l-eks Prim Ministru tar-Renju Unit, Tony Blair u l-eks Prim Ministru u mexxej tal-Partit Demokratiku Taljan, Matteo Renzi, illum kien hemm Prim Ministru ieħor li bagħat messaġġ b’appoġġ lil Joseph Muscat. Il-Prim Ministru tal-Portugall, Antonio Costa, tkellem dwar il-kwalitajiet b’saħħithom ta’ Joseph Muscat mhux biss fit-tmexxija ta’ Malta iżda wkoll tal-Kunsill Ewropew.
