Il-Prim Ministru Joseph Muscat iltaqa’ mar-rapporteur tal-Assemblea Parlamentari tal-Kunsill tal-Ewropa dwar il-qtil ta’ Daphne Caruana Galizia u l-istat tad-dritt f’Malta, Pieter Omtzigt, kif mitlub minnu stess.
Dan wara li ġimgħa ilu fil-Parlament, il-Prim Ministru Muscat qal li Omtzigt se jkollu laqgħa miegħu u ma’ Ministri oħra meta wieġeb għal Mistoqsija Parlamentari magħmula mid-Deputat Nazzjonalista David Stellini.
Dawn il-laqgħat saru minkejja r-riżervi serji li għandu l-Gvern dwar l-integrità ta’ Omtzigt, biex jespedixxi l-inkarigu tiegħu tenut kont tal-agir ċensurabbli tiegħu fir-rigward ta’ tixrid ta’ fake news relattiv għall-kraxx tal-Malaysia Airlines Flight 17.
