Partit Laburista ġdid fil-Gvern se jkun qed ikompli jkun ta’ sostenn għall-qasam turistiku billi anke jgħin fl-irkupru ta’ dan il-qasam.
Sostna dan il-Prim Ministru u Mexxej Laburista Robert Abela f’attività politika oħra tal-Partit Laburista bit-Tema Malta Flimkien bħala parti mill-programm Awla.
Dr Abela tenna it-tisħiħ tal-qasam turistiku bħala parti mill-pjan tal-Partit Laburista biex fost oħrajn anke tiġi megħluba l-isfida tal-istaġjonalità billi jgħin lill-operaturi turistiċi.
“L-ewwel waħda hija dik li se nkunu qed nagħtu inċentiv ta’ taxxa jiġifieri traħħis tat-taxxa lil dawk l-operaturi ta’ stabbilimenti tat-turiżmu li jagħmlu jew rinovazzjoni tal-premises tagħhom jew jagħmlu investiment fl-istabbiliment tagħhom .Hemm sen kunu qed nitkellmu dwar traħħis ta’ 30% tal-ispiża jiġifieri jekk inti infaqt għall-argument €100,000 f’dik ispiża ta’ rinovar se tkun qed tingħata tax credit ta’ €30,000. Dik hija miżura b’saħħitha ħafna u dan se jkun qe djgħodd għal dawk li qed joffru naturalment akkomodazzjoni turistika. It-tieni proposta li narawha fil-kuntest partikolari tal-lum relevanti hemm dik li se nkunu qed ngħinu bi skemi lil settur tat-turiżmu biex jilqa’ għax-shoulder months. Jiġifieri shoulder months huma dawk ix-xhur tas-sena fejn b’mod naturali t-turiżmu jkun fl-inqas punt b’saħħtu tiegħu. Din rajniha waqt pandemija kienet xi ħaġa li tgħallimniha hemm li hija kruċjali li f’dawk ix-shoulder months jew f’dawk ix-xhur li jkunu normali assoċjati ma wasliet inqas tat-turiżmu nagħtu dawk l-inċentivi biex kemm jista’ jkun nattiraw turisti lejn pajjiżna.”
il-Prim Ministru Robert Abela
Il-Prim Ministru tkellem ukoll dwar is-suġġett tad-dimensja hekk kif spjega proposti biex jiġu mgħejjuna dawk li sfortunatament ibatu mid-dimensja.
Fil-fatt spjega l-proposti tal-Partit Laburista sabiex jikkumbatti din ir-realtà fosthom b’kura speċjalizzata għal dawk li għandhom id-dimensja.
“Imbagħad qed naraw żewġ linji oħra li rridu mmorru f’din l-istrateġija, wieħed illi nagħtu kura jew terapija speċjalizzata ġewwa d-dar tal-individwu u wkoll inżidu d-day centres, iċ-ċentri ta’ matul il-jum fejn tingħata terapija u b’hekk inkunu kemm jista’ jkun possibbli pazjenti li jbatu mid-dimensja jkunu jistgħu jibqgħu jgħixu fil-komunità.”
il-Prim Ministru Robert Abela
Dr Abela madankollu ma waqafx hawn hekk kif irrimarka wkoll il-proposta favur twaqqif ta’ direttorat apposta sabiex jindirizza ħtiġijiet relatati mad-dimensja.
Il-Prim Ministru tul l-interventi tiegħu tenna wkoll l-importanza tal-għajnuna li ta l-Gvern fil-pandemija fosthom bil-Covid Wage Supplement li wassal biex illum pajjiżna għandu l-inqas rata ta’ qgħad fl-istorja tiegħu u l-aktar nies li qed jipparteċipaw fis-suq tax-xogħol.
Tenna wkoll l-għajnuna li ta l-Gvern għall-isfidi tal-għoli tal-ħajja permezz taċ-ċekkijiet ta’ sostenn.
Xi ħaġa li l-Partit Nazzjonalista kieku kien jipposponiha.
“U tieħu pjaċir meta tara l-pensjonanti fost oħrajn u ħaddiema wkoll illi jgħidulek kemm ħadu pjaċir biċ-ċekkijiet li rċivew, min irċevihom illum u min irċevihom ilbieraħ u min fil-ġurnata ta’ qabel u tara kemm dawn iċ-ċekkijiet kienu importanti, l-ewwelnett it-tax refund hija xi ħaġa li aħna qegħdin nagħtu ta’ kull sena imma mbagħad iċ-ċekk addizzjonali ta’ stimulu tara kemm kien kruċjali li jintbagħat issa. Issa ħaddieħor qed jgħidilna politika tal-gimmicks u qed jgħidulna illi, ilbieraħ kelli dibattitu mal-Kap tal-Oppożizzjoni u qalilna eżempju ta’ governanza ħażina dan, għaliex qalilna ċ-ċekkijiet, imma jekk iċ-ċekkijiet kien hemm bżonn li jintbagħtu issa f’dan il-mument partikolari allura ma nagħmluhx bħalhom dejjem nipposponu u ma jgħinu qatt lin-nies. L-għajnuna kienet meħtieġa issa u tajniha issa.”
il-Prim Ministru Robert Abela
