Waqt li qed jattendi għal laqgħat importanti fi Brussell, II-Prim Ministru Robert Abela ntalab jikkummenta dwar I-iskandlu ta’ korruzzjoni fil-Parlament Ewropew. Huwa rreaġixxa billi qal li bħalissa għaddejjin investigazzjonijiet, u għalhekk il-prinċipju jibqa’ wieħed konsistenti li I-istituzzjonijiet għandhom jitħallew jagħmlu I-ħidma tagħhom.
“Bħalissa hemm investigazzjonijiet li jinsbau għaddejjin mill-maġistrat inkwirenti. Hemm ukoll il-proċess tal-pre-trial hearings li jinsab għaddej, u għalhekk il-prinċipju tiegħi jibqa’ wieħed konsistenti f’każijiet simili: li rridu nħallu l-istuzzjonijiet jagħmlu l-ħidma tagħhom.”
Il-Prim Ministru Robert Abela
Il-Prim Ministru nmota kif it-tmexxija tal-Parlament Ewropew f’dawn il-mumenti tista’ tidher li qed tipprova tiddevja I-attenzjoni minn fuqha, għax it-twissijiet lill-Parlament Ewropew biex jieħu ħsieb li jkollu sistemi robust ilhom isiru.
“Issa nifhem ukoll li t-tmexxija ta’ fuq nett, tal-Parlament Ewropew, kienet pronta li waslet għal ċerti konklużjonijiet. B’rispett li għandi lejn l-istituzzjonijiet, jien mhux se nagħmel hekk. Jekk tistaqsini għaliex it-tmexxija tal-Parlament Ewropew ħarġet b’dawk il-konklużjonijiet, jista’ jkun li għaliex forsi għandha informazzjoni li mhijiet fid-dominju pubbliku jew għaliex qed tipprova tiddevja l-attenzjoni minn fuqha għall-fatt li, kif anki kkummenta l-Ombudsman Ewropew – mhux issa imma żmien ilu – kien hemm lok li jinħoloq mekkaniżmu ta’salvagwardja biex, kemm jista’jkun, każijiet bħal dan ma jsirux, imma l-Parlament Ewropew ripetutament naqas milli jwettaq dawk is-salvagwardji biex kemm jista’ jkun jimminimizza l-possibilità ta’ każijiet bħal dawn li jseħħu.”
Il-Prim Ministru Robert Abela
Il-Prim Ministru żied jgħid li jista’ jkun li I-Parlament Ewropew kellu l-attenzjoni tiegħu mixħuta fuq iċ-ċensura u I-kritika lejn Stati membri tal-Unjoni Ewropea.
“Jista’ jkun li l-Parlament Ewropew kellu l-fokus tiegħu illi jiċċensura u jikkritika Stati membri tal-Unjoni Ewropea minħabba aġir filwaqt li ma bediex jara li fi ħdan l-istrutturi tiegħu stess joħloq dawk is-salvagwardji, il-framework li huwa meħtieġ, biex każijiet bħal dawn kemm jista’ jkun jiġu mminimizzati. Hu għalhekk li wieħed irid jibqa’ jistenna, issa, l-eżitu tal-investigazzjonijiet u l-prosekuzzjonijiet kollha li se jkunu qegħdin isiru. Li nista’ ngħid ukoll, iżda, fuq il-pajjiż li qed jissemma li allegatament huwa konness, filwaqt li wieħed jikkundanna kwalunkwe forma ta’ wrongdoing – irrid inkun ċar ħafna dwar dan, li jekk jirriżulta li hemm xi forma ta’ wrongdoing wieħed jikkundanna, u jikkundanna bis-saħħa – iżda mal-pajjiż imsemmi hemm relazzjonijiet, fuq livell Ewropew qed nitkellem issa, li huma imprtanti, partikolarment fil-qasam tal-enerġija. Jekk ġrat xi ħaġa ħażina nikkundannawha imma mbagħad wieħed isir jara wkoll li r-relazzjonijiet importanti, partikolarment fejn tidħol il-provvista ta’ enerġija, ma jiġux imtappna minħabba dan il-każ partikolari”
Il-Prim Ministru Robert Abela
