Il-plejers tat-tim nazzjonali tan-nisa tal-futbol ta’ Spanja b’bojkott wara l-bewsa ta’ Rubiales

81 plejer tat-tim nazzjonali tan-nisa ta’ Spanja qalu li mhux se jkunu qed jilgħabu aktar sakemm jitkeċċa l-President tal-Federazzjoni tal-Futbol Spanjol Luis Rubiales. 

Dan wara li l-istess Rubiales bies lil Jenni Hermoso fuq xuftejha waqt iċ-ċerimonja tal-għoti tal-midalji u t-trofew fil-kompetizzjoni tat-Tazza tad-Dinja tan-nisa tal-futbol. Kompetizzjoni li t-tim Spanjol kien għadu kif rebaħ f’Sydney. 

Hermoso sostniet li hija ma tatx il-kunsens tagħha għall-bewsa. 

Rubiales irrifjuta li jirriżenja minħabba dan il-każ. 

Il-Gvern Spanjol saħansitra beda proċeduri legali f’tentattiv li jissospendi lill-President tal-Federazzjoni filwaqt li l-Fifa wkoll bdiet tmexxi bi proċeduri dixxiplinarji.