L-Awtorità tal-Bini u l-Kostruzzjoni, il-BCA ħabbret l-introduzzjoni ta’ servizz ġdid imfassal biex itejjeb il-komunikazzjoni u l-appoġġ għall-Periti rigward il-proġetti tagħhom.
Mill-Ġimgħa 4 ta’ April 2025, il-Periti se jkollhom l-opportunità li jiskedaw laqgħat wiċċ imb’ wiċċ mal-Uffiċjali tal-Permessi biex jiddiskutu kull tħassib relatat ma’ files speċifiċi.
Dawn il-laqgħat se jsiru kull nhar ta’ Ġimgħa mid-9 AM sa 12 PM fl-uffiċini tal-BCA.
Din linizjattiva għandha l-għan li trawwem ambjent kollaborattiv, u li tiżgura li l-Periti jkunu jistgħu jindirizzaw il-mistoqsijiet tagħhom direttament mal-uffiċjali responsabbli biex jippermettu ddeċiżjonijiet.
Biex tiġi skedata laqgħa, il-Periti huma mħeġġa jibagħtu t-talbiet tagħhom lill-building_permits@bca.org.mt.
Il-BCA tħeġġeġ lill-Periti biex jutilizzaw dan is-servizz primarjament għal każijiet kumplessi fejn huwa diffiċli li jinstabu soluzzjonijiet permezz tat-telefown, filwaqt li jiżguraw li l-laqgħat jintużaw b’mod effettiv.
L-introduzzjoni ta’ dan is-servizz ġdid jirrifletti l-impenn tal-Awtorità li ttejjeb il-proċess talpermessi, u tiffaċilità djalogu miftuħ bejn l-Awtorità u l-professjonisti fis-settur tal-kostruzzjoni.
