Il-Partit Laburista qiegħed iwieġeb domandi komuni dwar il-ħatra tal-Mexxej il-ġdid tal-Partit Laburista.
Meta se ssir il-votazzjoni?
Id-dati pjanati għall-votazzjoni huma fis-7 ta’ Jannar f’każ ta’ Konferenza Ġenerali u 11 ta’ Jannar f’każ ta’ Kungress.
Fejn?
Il-votazzjoni tal-Konferenza Ġenerali ssir fiċ-Ċentru Nazzjonali Laburista fil-Ħamrun.
Il-votazzjoni tal-Kungress tal-membri se ssir fit-13 -il lokalità madwar Malta u Għawdex.
L-għadd tal-voti ser iir fiċ-Ċentru Nazzjonali Laburista fil-Ħamrun.
Min jista’ jikkontesta għal Mexxej?
Kull membru tal-Partit Laburista huwa eliġibbli sabiex jikkontesta għall-kariga ta’ Mexxej u l-Kummissjoni Elettorali tal-Partit tagħmel ir-rakomandazzjoni tagħha lill-Eżekuttiv Nazzjonali.
Min jista’ jivvota?
F’Konferenza Ġenerali jivvutaw biss id-delegati tal-konferenza.
Fil-Kungress tal-membri huma intitolati jivvutaw:
- Delegati tal-Konferenza Ġenerali
- Uffiċjali u Membri tal-Kumitati
- Sezzjoni Kunsilliera
- Forum Kandidati
- Membri tal-Partit li jkunu ilhom mill-inqas ħames snin konsekuttivi regolari fil-ħlas. (Membri li għandhom 20 sena jew anqas, il-perjodu ta’ sħubija konsekuttiva jkun ta’ 3 snin).
Jekk inti tesserat tal-Partit iżda nsejt iġġedded xi snin ta’ sħubija, ma tistax tħallas għal aktar minn sentejn pendenzi fis-sħubija minn meta tkun sirt membru ‘l quddiem.
(Dan skont Kapitlu III, Artiklu 16 tal-Istatut li kien emendat u approvat fil-Konferenza Ġenerali biex jaħseb għal dawn l-eventwalijiet).
Dawn l-emendi ddaħlu għall-eventwalità ta’ każijiet ġenwini ta’ membri regolari tal-Partit Labursita, li għal xi raġuni jew oħra ma jkunux ħallsu sena jew tnejn mill-aħħar ħamsa, u b’hekk jingħataw ċans jirregolarizzaw il-pożizzjoni tagħhom.
Jekk per eżempju, inti sirt membru għall-ewwel darba fl-2017 u għandek l-2018 u 2019 mħallsa wkoll, ma tistax tħallas is-snin 2015 u 2016 biex tgħaqqad 5 snin, għax dan jista’ jsir biss mid-data li fiha tkun sirt membru tal-Partit Laburista għall-ewwel darba.
Għandek dritt għall-vot fil-Kungress jekk int membru għal għomrok?
Jiddependi meta sirt membru:
- Jekk għandek inqas minn 21 sena u dħalt membru għal għomrok fl-2017 jew qabel, tista’ tivvota.
- Jekk għandek iktar minn 20 sena u dħalt membru għal għomrok fl-2015 jew qabel, tista’ tivvota.
Jekk tixtieq tiċċekkja jekk għandekx dritt għall-vot tista’ ċċempel fuq 20901771.
L-istatut
L-istatut jinsab fuq is-sit tal-Partit Laburista www.partitlaburista.org
