“Il-Partit Laburista huwa l-partit li joħloq il-ġid, l-opportunitajiet u x-xogħol” – il-Prim Ministru fin-Naxxar

Il-Ħadd filgħodu l-Prim Ministru u Mexxej Laburista Robert Abela ġie milqugħ minn għexieren ta’ nies fin-Naxxar.

F’messaġġ qasir li wassal f’din il-lokalità lejlet Jum il-Ħaddiem, Robert Abela qal kif il-Partit Laburista huwa l-Partit li joħloq il-ġid, l-opportunitajiet u x-xogħol.

Hawnhekk huwa elenka numru ta’ miżuri li ħabbar il-Gvern fl-aħħar jiem u ġimgħat, kollha bil-għan li jtejbu l-kwalità tal-ħajja tal-Maltin u l-Għawdxin.

Il-Prim Ministru temm billi qal kif il-Partit Laburista huwa dak li jġib l-għaqda nazzjonali; “Maltin u Għawdxin Magħqudin Flimkien.”