Il-paġna uffiċjali tat-tim tan-nisa ta’ Manchester United juri s-sbuħija ta’ Malta

Mil-lum it-tim tan-nisa ta’ Manchester United beda training camp ta’ ftit jiem f’Malta.

Fuq il-paġna uffiċjali tagħhom fuq il-midja soċjali, it-tim tar-Red Devils wera s-sbuħija li toffri l-lokalità ta’ San Ġiljan, fosthom il-baħar fiż-żona tal-Balluta u t-temp sabiħ li qed jesperjenza pajjiżna f’dawn l-ewwel jiem tas-sena l-ġdida.

It-tim tan-nisa ta’ Manchester United se jkun jilgħab logħba ta’ ħbiberija kontra t-tim tan-nisa ta’ PSV, għada fis-6pm fit-Tony Bezzina Stadium, f’Raħal Ġdid.