Il-mużiċist leġġendarju Tom Jones se jkun qed jirritorna Malta għall-kunċert ‘Tom Jones in Concert’ li se jkun qiegħed isir nhar it-Tlieta, 16 ta’ Lulju 2024 ġewwa l-MFCC, Ta’ Qali.
Is-suċċessi ta’ Tom Jones fl-ogħla livell ta’ charts sabu post speċjali fil-qlub ta’ miljuni madwar id-dinja. Dan il-kunċert joffri lill-fanatiċi tat-‘Tigra ta’ Wales’ iċ-ċans li jaraw it-talent inkredibbli tiegħu dirett fi prestazzjoni li twiegħed li se tkun indimentikabbli.
Tom Jones irċieva bosta premji u unuri fost il-karriera tiegħu, fejn fosthom rebaħ Grammy Award, numru ta’ Brit Awards, u anke l-Music Industry Trust Award għall-kanzunetti popolari tiegħu li jinkludu ‘Delilah’ u ‘It’s Not Unusual’ fost oħrajn. Intant, il-wirjiet tiegħu, qatt ma naqsu mill-enerġija li joffri Tom Jones u l-kapaċità li jinteraġixxi man-nies.
Għall-biljetti, wieħed jista’ jikseb tiegħu esklussivament minn fuq Showshappening fuq bit.ly/TomJonesinMalta.
