Il-mexxejja konservattiva Skoċċiża, Ruth Davidson ħabbret li għandha tliet xhur tqala.
Hija qalet li hija u s-sieħba tagħha, Jen Wilson jinsabu eċitati li qed jistennew l-ewwel tarbija tagħhom f’Ottubru wara li għamlu l-IVF.
Filwaqt li stqarret li kien hemm mumenti ta’ qtugħ il-qalb waqt li bdiet tipprova tikkonċepixxi, f’Marzu li għadda saru jafu li l-proċedura tal-IVF kienet suċċess.
Davidson esprimiet it-tama li l-aħbar tagħha tgħin biex jinftiehem aktar li huwa normali li koppji tal-istess sess ikollhom it-tfal.
