Karl Schembri huwa konsulent fil-media fil-Lvant Nofsani għall-Kunsill Norveġiż tar-Refuġjati. Mill-belt Iraqena Falluja qed iseħħ eżodu sħiħ, riżultat tal-ġlied ta’ militanti tal-hekk imsejjaħ Stat Iżlamiku. Hu stmat li aktar minn 82,000 persuna evakwaw il-Belt, 25,000 vjaġġaw l-aħħar sigħat u eluf oħra fis-sigħat li ġejjin. Schembri stqarr mal-BBC li dawk li qed jitilqu minn Falluja qed isibu rwieħhom fi straġi oħra, għaliex fil-kampijiet ta’ refuġjati hemm xeni ‘apokalittiċi‘.
