Minkejja l-grigalata li laqtet lil pajjiżna matul il-jum tas-Sibt, f’għajnejn id-dilettanti tal-Festa tal-Madonna taċ-Ċintura fil-Gudja, dalgħodu spikka s-sens ta’ tama. Dan wara d-diżappunt li kellhom hekk kif xhur ta’ preparamenti sfaxxaw fix-xejn.
Tama li llum it-temp jippermetti aktar u l-festa ssir. Id-dilettanti tal-armar, stqarru ma ONE NEWS li b’xorti tajba ma saret l-ebda ħsara fuq l-armar. Illejla l-festa tal-Madonna taċ-Ċintura għandha ssir kif pjanat hekk kif stenbaħna b’temp bnazzi.
