Numru ta’ siġar li tqaċċtu kawża tal-maltemp li laqat l-istat ta’ Victoria fl-Awstralja qatlu tliet persuni, inkluż tifel ta’ erba’ snin.
Riħ qawwi li laħħaq il-158 kilometru fis-siegħa wassal għal ħsarat kbar, filwaqt li kawża tiegħu 95 elf dar spiċċaw mingħajr il-provista tad-dawl. Huwa magħruf illi tard fil-jum tal-Ħamis saru aktar minn elfejn u mitt talba għall-għajnuna hekk kif bosta binjiet ġarbu ħsarat estensivi kawża tal-maltemp.
Intant, kmieni l-Ġimgħa filgħodu, residenti li jgħixu f’88 subborgi ġew avżati illi l-maltempata kkontaminat l-ilma tax-xorb.
