Nhar il-Ħadd 17 ta’ Diċembru, Il-Kunsill Lokali ta’ Birżebbuġa b’kollaborazzjoni mal-Knisja Parrokjali ta’ San Pietru fil-Ktajjen se jorganizzaw il-kunċert annwali Joys of Gospel.
Dan il-kunċert se jkollu arranġamenti mużikali b’tema tal-Milied fejn iż-żewġ baned lokali. L-għaqda mużikali San Pietru fil-ktajjen, taħt id-direzzjoni ta’ Vincent Bonnici, u s-soċjetà filarmonika San Pietru banda Birżebbuġa taħt id-direzzjoni ta’ Mro. Michael Bugelli, ser jingħaqdu f’mass band.
Parteċipanti oħra huma l-kor tal-Parroċċa taħt id-direzzjoni ta’ Mro. Josette Polidano, is-Sopran Ruth Sammut Casingena u l-kantanti tagħha flimkien mal-XL Choir u l-banda taħt id-direzzjoni ta’ Ms.Elaine Vella.
Il-kunċert jibda fis.6.30 ta’ filgħaxija u se jitella’ fil-Knisja Parrokjali. Id-dħul għal dan il-kunċert huwa b’xejn u kulħadd huwa mistieden li jattendi.
