Ġimgħa qabel il-festa ta’ San Gejtanu, se jittella’ l-kunċert ‘Summer Vibes’, fit-Triq il-Kbira, il-Ħamrun nhar is-Sibt li ġej mit-8:00 ta’ filgħaxija ’l quddiem.
Fost l-artisti li se jieħdu sehem insibu lill-kantant popolari Malti Ivan Grech u l-band tiegħu, flimkien mal-artisti internazzjonali Steve Edwards, magħruf għall-kanzunetta ‘World Hold On’ ma’ David Guetta, id-DJ Chicane, li għandu diski bħal ‘Saltwater’ u ‘Don’t Give Up’ ma’ Bryan Adams, fost oħrajn.
REKLAM
SKROLLJA BIEX TKOMPLI
Il-kunċert se jkun b’xejn, waqt li se jkun hemm bejgħ ta’ ikel u xorb.
Minħabba li l-armar se jibda mil-lejla u, imbagħad, jiżżarma kollox wara l-kunċert, din it-triq se tkun magħluqa għat-traffiku. Għaldaqstant is-sewwieqa huma avżati biex jużaw toroq alternattivi.
