“Il-kultura unika ta’ Malta togħġobni wisq.” Qalet dan il-kantanta ta’ fama mondjali, Nelly Furtado waqt konferenza li ttellgħet dalgħodu fil-Furjana.
Nelly qalet kif l-istorja, il-kultura rikka u l-poplu huma fost l-aktar favoriti tagħha meta mistoqsija dwar Malta.
Spjegat kif ħadet gost li waqt il-prova li għamlet fuq il-Fosos tal-Furjana bi preparazzjoni għax-xow tal-lejla, tara għadd ta’ familji, tfal u nanniet isegwu l-prova tagħha.
Hi qalet kif dawk li se jkunu qed jattendu llejla biex jarawha tkanta, għandhom jistennew is-sorpriżi b’mużika antika iżda kif ukoll mużika ġdida.
Spjegat kif fid-dinja tal-mużika huwa importanti ħafna li tibqa’ relevanti u timxi maż-żmien.
Din hija t-tieni darba li Nelly Furtado tat prestazzjoni f’Malta hekk kif lura fl-2012 kienet waħda mill-artisti għall-Isle of MTV.
AQRA AKTAR:
